date_range 02 Apr, 2020

ஜெயலலிதாவை வைத்தே பொய் சொல்லி வெற்றி பெற்றவர்கள் அதிமுக-வினர்: ஸ்டாலின் சாடல்


இடைத்தேர்தலில் தி.மு.க.வெற்றி பெற்று, ஆட்சி அமைப்பது உறுதி என்பதாலேயே அதிமுக-வின் 3 அதிருப்தி எம்.எல்.ஏ-க்களுக்கு நோட்டீஸ் அனுப்பப்பட்டுள்ளது. அதற்காக தான் சபாநாயகர் மீது நம்பிக்கை இல்லா தீர்மானத்தை திமுக முன்மொழிந்துள்ளது என ஸ்டாலின் தெரிவித்துள்ளார்.

தமிழகத்தில் எஞ்சியுள்ள 4 சட்டமன்ற தொகுதிகள் இடைத்தேர்தலுக்கான பிரச்சாரப் பணிகள் சூடுப்பிடித்துள்ளது. திருப்பரங்குன்றம் தொகுதியில் போட்டியிடும் திமுக வேட்பாளர் மருத்துவர். சரவணனனை ஆதரித்து ஸ்டாலின் தேர்தல் பரப்புரை மேற்கொண்டார்.

இன்று திருப்பரங்குன்றம் கோயில் கிரிவலப்பாதை உட்பட உள்ளிட்ட இடங்களில் அவர் பொதுமக்களிடையே வாக்கு சேகரித்தார். அப்போது பேசிய ஸ்டாலின், இந்த இடைத்தேர்தலில் திமுக அமோக வெற்றிபெறும், ஏழை எளிய மக்களுக்கு நகை கடன் தள்ளுபடி செய்யப்பட்டு நகைகள் நீக்கப்படும், திமுக ஆட்சிக்காலத்தில் கேபிள் கட்டணம் எவ்வளவு இருந்ததோ அந்த தொகையை நடைமுறைப்படுத்தப்படும், மேலும் இத் தொகுதியில் அனைத்து வசதிகளும் போர்க்கால அடிப்படையில் ஏற்படுத்தப்படும் என்று கூறினார்.

தொடர்ந்து பேசிய அவர், மோடி ஆட்சியை வீட்டுக்கு அனுப்ப திருப்பரங்குன்றம் மக்கள் நாடாளுமன்ற தேர்தலில் கை சின்னத்திற்கு வாக்கு அளித்து உள்ளீர்கள். ஏற்கனவே இந்த தொகுதியில் வெற்றி பெற்ற ஏ.கே.போஸ் இறந்ததால் இடைத்தேர்தல் வந்துள்ளது. ஜெயலலிதா சுயநினைவில்லாமல் இருப்பதை பயன்படுத்திக் கொண்ட அதிமுக-வினர், அவருடைய விரல் ரேகையை எடுத்து திருப்பரங்குன்றம் தொகுதியில் ஏ.கே. போஸை போட்டியிட வைத்தனர்.

இதை கண்டறிந்த திமுக வேட்பாளர் சரவணன், அதற்கு எதிராக வழக்கு தொடர்ந்தார். ஜெயலலிதாவை வைத்தே பொய் சொல்லி வெற்றி பெற்றவர்கள் அ.தி.மு.க.வினர். இடைத்தேர்தலில் தி.மு.க.வெற்றி பெறுவதும், ஆட்சி அமைப்பதும் உறுதி என்று தெரிந்து தான் எடப்பாடி பழனிசாமி 3 எம்.எல்.ஏ-க்களுக்கு நோட்டீஸ் அனுப்பியுள்ளார். தற்காக தான் நான் சபாநாயகர் மீது நம்பிக்கை இல்லா தீர்மானத்தை திமுக கொண்டுவந்துள்ளது.

மத்தியில் மோடி தோற்பது உறுதி. மோடி தான் எடப்பாடி ஆட்சிக்கு முட்டு கொடுத்து கொண்டு இருக்கிறார். அவர் தோற்ற பிறகு, எடப்பாடி பழனிசாமி ஆட்சி முடிவுக்கு வருவதும் உறுதி என்றும் ஸ்டாலின் பேசினார். மேலும், திருப்பரங்குன்றம் தொகுதி மக்களை சந்திக்க வீடு வீடாக சென்று திண்ணை பிரச்சாரத்திலும் ஸ்டாலின் ஈடுபட்டார்.

#sriloganathan

Write your comment

add