date_range 21 Jan, 2020

ஒரே போட்டியில் ரெட்டை சாதனை படைச்ச ‘தல’ தோனி...!


இந்தியாவில் ஆண்டுதோறும் உள்ளூர் டி-20 கிரிக்கெட் தொடரான இந்தியன் பிரீமியர் லீக் (ஐ.பி.எல்.,) கிரிக்கெட் தொடர் நடக்கிறது. இந்த ஆண்டுக்கான 12வது தொடர் தற்போது பாதிகட்டத்தை எட்டியுள்ளது. இன்னும் நாக் -அவுட் சுற்றுப்போட்டிக்கான அட்டவணை வெளியிடவில்லை. 1 ரன் தோல்வி: இந்நிலையில் பெங்களூருவில் நடந்த 39வது லீக் போட்டியில் பெங்களூரு, சென்னை அணிகள் மோதின. இதில் சென்னை அணி, பெங்களூரு அணியிடம் 1 ரன்னில் தோல்வியை சந்தித்தது. ரெட்டை சாதனை: இதில் சென்னை அணியின் கேப்டன் தோனி, 48 பந்தில் 5 பவுண்டரி, 7 சிக்சர்கள் என 84 ரன்கள் விளாசினார். இதில் 44 ரன்கள் எடுத்தபோது ஐபிஎல்., அரங்கில் கேப்டனாக 4000 ரன்கள் எடுத்தார். முதல் இந்தியர்: இதன் மூலம் ஐபிஎல்., அரங்கில் கேப்டனாக 4000 ரன்கள் எடுத்த முதல் கேப்டன் என்ற பெருமை பெற்றார் தோனி. தவிர, ஐபிஎல்., அரங்கில் தனது 200வது சிக்சரை பதிவு செய்த தோனி, இதன் மூலம் ஐபிஎல்., அரங்கில் 200 சிக்சர்களுக்கு மேல் அடித்த முதல் இந்தியர் என்ற பெருமை பெற்றார் தோனி. * தவிர, 84 ரன்கள் அடித்த தோனி டி-20 அரங்கில் தனது அதிகபட்ச ஸ்கோரை பதிவு செய்தார். ஐபிஎல்., அரங்கில அதிக சிக்சர்கள் அடித்த வீரர்கள் பட்டியல்: 323 கிறிஸ் கெயில் 204 டிவிலியர்ஸ் 203 தோனி - முதல் இந்தியர்

Write your comment

add