date_range 02 Apr, 2020

6 லட்சம் ஏழைகளுக்கு கான்கிரீட் வீடுகள் கட்டி கொடுத்துள்ளோம் – ஓ.பன்னீா்செல்வம்


ஏழை மக்களுக்காக அதிமுக அரசு 6 லட்சம் கான்கிரீட் வீடுகளை கட்டிக் கொடுத்துள்ளதாகவும், குடிசைப் பகுதிகளில் வாழும் மக்கள் அனைவருக்கும் 2023க்குள் கான்கிரீட் வீடுகள் கட்டித் தரப்படும் என்றும் துணைமுதல்வா் ஓ.பன்னீா்செல்வம் தொிவித்துள்ளாா்.

கோவை சூலூர் தொகுதி அதிமுக வேட்பாளர் கந்தசாமியை ஆதரித்து, இருகூர் பகுதியில் துணை முதல்வர் ஓ.பன்னீர் செல்வம் இன்று பிரசாரம் மேற்கொண்டார். அப்போது பேசிய அவர், இதற்கு முன்பாக இந்த தொகுதியில் எம்.எல்.ஏவாக இருந்தவரும் தற்போதைய வேட்பாளர் கந்தசாமியின் சகோதரருமான கனகராஜ் இந்த பகுதியில் சிறப்பாக பணியாற்றியிருந்தாா்.

வேட்பாளர் வி.பி.கந்தசாமி சூலூர் சட்டமன்ற தொகுதியில் வெற்றி பெற்றால் இந்த பகுதி மக்களின் பிரச்சினைகளை தீர்த்து, மத்திய மாநில அரசின் திட்டங்களை இங்கு கொண்டு வந்து சேர்ப்பார். தற்போதைய ஆட்சியில் திருமண நிதி உதவி, பேறுகால நிதி உதவி ஆகியவை உயர்த்தி வழங்கப்பட்டுள்ளது.

இருபருவ மழை பொய்ததால் ஏழை மக்களுக்கு ரூ.2 ஆயிரம் கொடுக்கும் திட்டம் அறிவிக்கப்பட்டது. அதை தடுத்தது திமுக. தொடா்ந்து பல நல்ல திட்டங்களை கொடுப்பதால் திமுகவினருக்கு பொறாமை ஏற்பட்டுள்ளது.

#sriloganathan

Write your comment

add