Story Content

नई दिल्ली. विदेश मंत्री एस जयशंकर (S Jaishankar) वार्षिक भारत-रूस शिखर सम्मेलन (India-Russia Summit) खातिर आधार तैयार करे खातिर अउर अफगानिस्तान में तेजी से उभरत स्थिति पर चर्चा करे खातिर ए सप्ताह मास्को के दौरा करिहन. ए घटनाक्रम से जुड़ल सूत्र लोग सोमवार के ई जानकारी देहलस. मास्को में उनकर वार्ता के दौरान व्यापार, आर्थिक, वैज्ञानिक अउर सांस्कृतिक सहयोग के साथे-साथे रक्षा क्षेत्र में संबंध खातिर भारत-रूस अंतर सरकारी आयोग के ढांचा के तहत सहयोग के बढ़ावा देवे के तरीका पर भी चर्चा होखे के संभावना बा. विदेश मंत्री के आपन रूसी समकक्ष सर्गेई लावरोव के साथ व्यापक वार्ता करे के कार्यक्रम बा.

कोविड-19 महामारी के कारण पिछला साल वार्षिक भारत-रूस शिखर सम्मेलन स्थगित कर दिहल गइल रहे. दूनू देश के पास एगो तंत्र बा जेकरा तहत भारत के प्रधानमंत्री अउर रूसी राष्ट्रपति संबंध के संपूर्ण पहलु के समीक्षा खातिर एगो वार्षिक शिखर बैठक आयोजित कइल जाला. अभिन तक भारत अउर  रूस में वैकल्पिक रूप से 20 वार्षिक शिखर बैठक  हो चुकल बा.